Kisi Ki Yaad Dil Mein Hai Koi Ehsaas Baaqi Hai

Kisi Ki Yaad Dil Mein Hai Koi Ehsaas Baaqi Hai
Badalte Mosmon Ke Darmiyan Ik Raaz Baaqi Hai

Abhi To Main Safar Mein Hoon Milen Gi Manzilen Mujh Ko
Magar In Raston Ke Darmiyan Ik Saath Baaqi Hai

Kahin Par Shaam Dhalti Hai Kahin Par Raat Hoti Hai
Abhi To Chandni Hai Chand Ki Raat Baaqi Hai

Chale Aao Kisi Din Tum Hamara Haal Bhi Dekho
Hamara Jism Murda Hai Magar Ik Saans Baaqi Hai

Umeed Hai Phir Mile Ga Wo Hamein Ik Din
Khuda Par Hai Bharosa Abhi, Khuda Ki Zaat Baaqi Hai