Koi Bhi Gham Agar Aya

Yehi Wada Liya Tha Na
Hamesha Khush Hi Rehna Hai
Le Dekho Dekh Lo Aa Ke
Meri Aankhon Ko Dekho Tum
Ye Kitni Shokhi Lagti Hain
Mere Honton Ko Dekho Tum
Hamesha Muskuratay Hain
Koi Bhi Gham Agar Aya
Use Hans Kar Saha Mein Ne
Mere Chehro Ko Dekho Tum
Hamesha Pursakoon Hoga
Kia Tha Mein Ne Jo Tum Se
Wo Wada Kar Diya Pura
Magar Ik Baat Hai Pyaray
Kabhi Jo Waqt Mil Jae
To Meri Shayari Parhna
Tumhen Mehsoos Hoga
Kahin Talkhi Bhara Lehja
Kahin Pe Sard Sa Lehja
Kahin Pe Dard Ki Jheeiain
Kahin Lehjay Ki Karwahat
Suno Mein Khush Hon Lakin
Mera Har Lafz Rota Hai