Koshish Kar Raha Hoon

Be-Waja Muskurane Ki Koshish Kar Raha Hoon
Is Tarah Gham Ko Chupane Ki Koshish Kar Raha Hoon

Wo Mere Haalaat Se Waqif Hon Ya Na Hon
Bass ! Apna Dard Mitane Ki Koshish Kar Raha Hoon

In Aandhiyon Ne Bikhera Hai, Aaj Mere Aashya’n Ko
Ye Meri Zid Hai, Jo Ghar Ko Sajane Ki Koshish Kar Raha Hoon

Ye Waqt Ki Saazishein Hain Ya Haalaat Ka Taqaza
Na Chahtey Huey Bhi Khamosh Rehne Ki Koshish Kar Raha Hoon

Na Jane Kitne Nasheb-o-Faraz Meri Zindagi Mein Aa Rahe Hain
Bass ! Yun Hi Haalaat Se Ladne Ki Koshish Kar Raha Hoon

Aksar Qadam Dagmaga Jate Hain Zindagi Ki Dhup Mein
Bass Apne Aapko Sabit-Qadam Rakhne Ki Koshish Kar Raha Hoon

Tere Qarib Aakar Bhi Tujhse Qarib Na Ho Saka
Phir Bhi Tere Dil Mein Jaga Banane Ki Koshish Kar Raha Hoon

Aysi Narazgi Ke Saath Kaise Umr Guzaroge Shakir !
Phir Bhi Unki Berukhi Ko Apnane Ki Koshish Kar Raha Hoon