Kuch Khabar Nahin Hum Ko

Kuch Khabar Nahin Hum Ko Apna Ya Paraya Hai
Dhondnay Ye Dil Jis Ko Is Gali Main Aaya Hai

Hum Duaain Daitay Hain Tum Ko Phir Bhi Jan-E-Jan
Gar_Ch Tum Ne Is Dil Ko Be-Panah Sataya Hai

Maar Ker Mujhay Qatil Ghumzada Sa Lagta Hai
Is Liye To Chultay Hain Thora Lurkharaya Hai

Kash Apnay Dil Ki Aag Aashk Se Bujha Saktay
Roth Jab Gaaye Ansu Us Ne Tab Jalaya Hai

Bewafa Zamanay Main Kuch Wafa Shanason Ne
Zikr-E-Dil Zamanay Se Hur Qadam Chupaya Hai

Jal Raha Tha Dil Maira Phir Bhi Shukr Hai Itna
Un Ko Is Tamashay Main Kuch Maza To Aaya Hai

So Rahay Thay Sir Rakh K Aaj Mairay Kandhay Per
Zeest Main Sanum Hum Ne Kuch Maza To Paya Hai