Kya Taajjub Hai
Poet: Ayub Dilber By: Ayub Dilber, Kupwara,KashmirKya Taajjub Hai Ki Khiltay Phool Hain Khaaron Kay Beech
Hum Bhi Aakhir Jee Rahay Hain Doston Yaaron Kay Beech
Burmala Mehfil Mein Hum Nay Din Ko Din Jo Keh Diya
Rakh Diya Logon Nay Hum Ko Bhi Gunahgaaron Kay Beech
Doston Kay Darmiyan Yaad Aayay Dushman Baar Ha
Kis Qadar Mahfooz Tha Mein Unki Talwaaron Kay Beech
Jhoot Tou Haathon Hi Haathon Bik Gaya Ik Aan Main
Such Ki Bolo Lag Nahi Paayi Khareedaron Kay Beech
Pehlay Tukdon Main Batti Sari Zameen Phir Aasmaan
Ab Khuda Baanta Gaya Khudsaakhta Naaron Kay Beech
Rate it: 
Views: 487
22 Feb, 2015
More Sad Poetry
