Labon Pe Harf Na Koi Sawal Rakhta Tha

Labon Pe Harf Na Koi Sawal Rakhta Tha
Kabhi Mai Zabt Mai Itna Kamal Rakhta Tha

Khabar Kahan Thi Mujhe Hi Wo Bhool Jayega
Ek Ek Cheez Jo Meri Sambhal Rakhta Tha

Bicharte Waqt Bazahir To Kuch Na Bola Tha
Magar Nigah Mai So So Sawal Rakhta Tha

Wo Muskura K Buhat Dair Chup Raha
Jese Hansi Ki Aar Mai Malaal Rakhta Tha

Suna Hai Ab Loag Usey Buhat Satatay Hain
Jis Aik Shaks Ka Mai Buhat Khayal Rakhta Tha