Lut Gaye Jitnay Bhi Thay Jazbaat Meray

Lut Gaye Jitnay Bhi Thay Jazbaat Meray
Tanha Huay Ishq Se Humnawaaz Meray

Main Mar Gaya Aur Meri Rooh Ne Dekha
Roye Bhi Na Ek Baar Shanasaaz Meray

Unka Chehra Ankhiyon Main Jhilmila Raha Hai
Kya Kahin Kho Gaye Saray Charasaaz Meray

Sachi Muhabbat Se Takrar Kya Hui Meri
Mitti Wa Khaak Hou Gaye Tajarbaat Meray

Muhabbat Main Itna Beizzat Hua Kay
Safar Main Kho Gaye Daromadaar Meray

Unki Aankhon Se Aankhein Chaar Hotay Hi
Bikhar Gaye Saaray Hosh-O-Hawaas Meray

Sharab Ki Talab Rahi Shaam Bhar Mujhe
Raath Bhar Taraptay Rahay Ashaar Meray

Uski Judhai Ka Aisa Asar Raha Mujh Per
Dheeray Dheeray Toot Gaye Sarokaar Meray