Main Pal Do Pal Ka Shaayar Hoon

Main Pal Do Pal Ka Shaayar Hoon
Pal Do Pal Meri Kahaani Hai
Pal Do Pal Meri Hasti Hai
Pal Do Pal Meri Jawaani Hai
Mujhse Pehle Kitne Shaayar
Aaye Aur Aakar Chale Gaye
Kuchh Aahein Bharkar Laut Gaye
Kuchh Naghme Gaakar Chale Gaye
Woh Bhi Ek Pal Ka Kissa Thhey
Main Bhi Ek Pal Ka Kissa Hoon
Kal Tumse Juda Ho Jaaoonga
Woh Aaj Tumhaara Hissa Hoon
Main Pal Do Pal Ka..Shaayar Hoon
Kal Aur Aayenge Nagmon Ki,
Khilti Kaliya Chunne Waale
Mujhse Behtar Kehne Waale,
Tumse Behtar Sunne Waale
Kal Koi Mujhko Yaad Kare
Kyoon Koi Mujhko Yaad Kare
Mashroof Zamaana Mere Liye
Kyoon Waqt Apna Barbaad Kare
Main Pal Do Pal Ka..Shaayar Hoon