Masoom Mohabbat Ka Bas Itna Fasana Hai

Masoom Mohabbat Ka Bas Itna Fasana Hai
Kaghaz Ki Haveli Hai Baarish Ka Zamana Hai

Kiya Shart_E_Mohabbat Hai Kiya Shart_E_Zamana Hai
Aawaz Bhi Zakhmi Hai Aur Geet Bhi Gaana Hai

Us Paar Utarne Ki Umeed Bohat Kam Hai
Kashti Bhi Purani Hai Toofan Ko Bhi Aana Hai

Samajhe Ya Na Samjhe Wo Andaaz Mohabbat Ke
Ek Shakhs Ko Aankhon Se Dil Ka Saara Dard Sunana Hai

Bholi Si Ada Koi Phir Ishq Ki Zid Par Hai
Phir Aag Ka Dariya Hai Aur Doob Ke Jana Hai