Mera Chehra Us Ki Nigahein

Chehra Mera Tha Nigahein Us Ki
Khamoshi Mein Bhi Wo Batein Us Ki

Mery Chehry Pe Gazal Likhti Gaien
Sher Kahti Hoi Aankhein Us Ki

Shokh Lamhon Ka Pata Dene Lagin
Tez Hoti Huwi Sansein Us Ki

Aisy Mosam Bhi Guzray Hum Ne
Subhen Jab Apni Thin Shamein Us Ki

Dheyan Mein Us Ke Ye Aalam Tha
Kabhi Aankh Mehtab Ki Yadein Us Ki

Faisla Mauj_E_Hawa Ne Likha
Aandhiyan Meri Baharen Us Ki

Neend Is Soch Se Tutti Aksar
Kis Tarah Kat'ti Hain Ratein Us Ki

Door Reh Kar Bhi Sada Rehti Hain
Mujh Ko Thaamy Huwe Baahein Us Ki