Mera Na Tha

Yeh Ab Khula Hai K Koi Bhi Manzar Mera Na Tha
Main Jis Mein Reh Rahi Thi Wohi Ghar Mera Na Tha

Main Jis Ko Ek Umr Sambhaley Phir Raha Tha
Mitti Bata Rahi Hai Woh Paikar Mera Na Tha

Mauj-E-Hawa-E-Sheher-E-Muqaddar Jawab Dey
Dariya Merey Na Thay K Samandar Mera Na Tha

Phir Bhi To Sangsaar Ki Ja Rahi Hoon Main
Kehtey Hain Naam Tak Sar-E-Mahazar Mera Na Tha

Sub Loge Apney Apney Qabeelon K Saath Thay
Ek Main Hi Thi K Koi Bhi Lashkar Mera Na Tha