Mere Bachpan Ki Wo Eid

Mere Bachpan Ki Wo Eid
Aaj Bhi Mere Nazdeeq Se Guzarti Hai

Muskurati Hui Itrati Hui Kehkahe Lagati Hui
Bohat Kuch Kehti Hui
Mujhe Meri Nadaaniyan Ginati Hai

Mere Bachpan Ki Wo Eid
Aaj Bhi Mere Nazdeeq Se Guzarti Hai

Maine Bachpan Jo Eid Dekhi Thi
Wo Eid Eid Thi
Ab Eid Kahan
Ab To Sabr Reh Gya Hai
Khud Ko Samjhane Ka Sabr
Hasratein Dabane Ka Sabr
Mashrufiyaton Ka Sabr
Sabr Sabr Sabr Sabr

Wo Jo Eid Thi
Mujhe Aaj Bhi Yaad Aati Hai
Mere Bachpan Ki Wo Eid
Aaj Bhi Mere Nazdeeq Se Guzarti Hai

Chaand Ke Deedaar Mai
Magrib Ke Baad Ka Wo Waqt
Jab Aankhein Aasmaan Mai Chaand Ko Dhundti Thi
Chaand Ki Ek Jhalak K Liye
Meri Rooh Bhi Ye Hi Puchti Thi

Suno
Kya Eid Kal Hai

Kya Kya Aalam Tha
Mere Bachpan Ki Us Eid Mai
Ab Ki Eid Jhapki Si De Jaati Hai

Mere Bachpan Ki Wo Eid
Aaj Bhi Mere Nazdeeq Se Guzarti Hai

Khushi Ka Wo Aalam Tha Ke Subha Hote Hi
Naye Kapdo Ki Wo Poshaq
Jo Ammi Ne Apni Pasand Se Banwaai Thi
Kisi Ke Kahe Sune Bina Hi Pehan Liya Karta Tha

Khud Ko Aaine Mai Dekhta Tha
To Kisi Raja Sa Lagta Tha
Kameez Ki Pocket Chand Sikko Ka Hona
Mujhe Meri Ameeri Ka Ehsaas Dilate The

Ab Kahan Wo Chaand
Na Wo Bachpan Ki Ameeri
Na Wo Ammi Ke Diye Kapde
Aur Na Wo Eid

Ab Ki Eid Mujhe Meri Tanhaai Ka Ehsaas Kara Jaati Hai

Mere Bachpan Ki Wo Eid
Aaj Bhi Mere Nazdeeq Se Guzarti Hai.