Meri Khushi Ki Khatir Khud Ko

Meri Khushi Ki Khatir Khud Ko Sambhal Rakhna
Uss Ny Kaha Tha Mujh Se Apna Khyal Rakhna

Yeh Bhi Kaha Tha Uss Ny Her Khavab Aarzi Hy
Tum Bhi Zehn Mein Apny Harf-E-Zawal Rakhna

Woh Keh Raha Tha Shayad Kuch Na Bata Sakon Main
Mery Samny Na Tum Bhi Koi Sawal Rakhna

Woh Hans K Keh Raha Tha Gham Bhi Tumhein Milein Gy
Lekin Na Hosla Tum Apna Nidhal Rakhna

Her Baat Ka Taqaza Mujh Se Jo Kar Raha Tha
Kia Uss Ka Haq Nahi Tha Mera Khyal Rakhna?