Meri Misal Bhi Nahi

Dil Mein Wafa Ki Hai Talab Lab Pe Sawal Bhi Nahi
Ham Hain Hisar-E-Dard Mein Usko Ye Khabar Nahi

Itna Hai Us Se Rabta Chhaon Se Jitna Dhoop Ka
Gar Ye Nahi Hai Hijir To Phir Ye Wisaal Bhi Nahi

Woh Jo Anaa Prast Hai Main Bhi Wafa Prast Hoon
Uski Misal Bhi Nahi Meri Misal Bhi Nahi

Usko Zuban Day Chukay Dil Ka Jahan Day Chukay
Ehd-E-Wafa Ko Tor Dein Apni Majal Bhi Nahi

Us Se Kaho K Do Ghari Ham Se Aa Milay Kabhi
Mana K Ye Muhal Hai Par Itna Muhal Bhi Nahi