Mujh Se Bad_E_Baharan Ne Ro Kar Kaha.

Mujh Se Bad_E_Baharan Ne Ro Kar Kaha
Teri Qismat Baharon Ke Qabil Nahi

Teri Duniyan Hai Ashkon Mein Doobi Hui
Teri Aankhein Nazaaron Ke Qabil Nahi

Meri Kashti Ko Toofan Ne Bosay Diye
Boli Moj_E_Talatum Mujhe Dekh Kar

Teri Taqdeer Mein Hain Bhanwar Hi Bhanwar
Teri Kashti Kinaron Ke Qabil Nahi

Us Ne Mehfil Se Mujh Ko Utha Kar Kaha
Mera Peecha Khuda Ke Liye Chor Do

Meri Mehfil Mein Phir Na Aana Kabhi MOHSIN
Ye Mohabbat Ke Maron Ke Qabil Nahi