Mujhay Itna Yaad Na Aya Karo

Mujhay Itna Yaad Na Ayaa Karo
Tum Youn Sitam Na Dhayaa Karo
Tumharay Baad Jeena Jaisay Udhraa Hy
Be-Kar Si Sanse'n Jaisay Har Pal Tumhara Hy
Parchaai Ki Manid
Kisi Sachaai Ki Manid
Meray Saath Chal Kar
Har Sanas Mein Dhal Kar
Na Itna Door Jayaa Karo
Mujhay Itna Yaad Na Ayaa Karo

Tumhari Awaaz Mujhay Sonay Nahi Dayti
Udaasi-Ay-Dill Ko Mujhay Khonay Nahi Dayti
Tumhari Hansi Ki Khanak Kanu'n Mein Rehti Hy
Pal Pal Rolati Hy Pal Pal Tarrpati Hy
Ik Talib-Ay-La Hasil Ik Dard-Ay-La Dawaa
Kisi Masoom Ko Jaisay Be-Wajah Si Saza
Ajab Be-Bassi Hy Jo Kuch Kehnay Nahi Dayti
Tumhay Paanay Nahi Dayti
Mujhay Jaanay Nahi Dayti
Meri La-Hasil Tamana Ko
Meray Be-Chain Say Dill Ko
Na Tum Itna Satayaa Karo
Mujhay Itna Yaad Na Ayaa Karo

Sard Hawao'n Mein
Musam Ki Adao'n Mein
Poray Chaand Raato'n Mein
Taaro'n Ki Khanak Chaao'n Mein
Tapti Hui Yaado'n Mein
Bhooli Bassri Baato'n Mein
Halki Halki Barsaato'n Mein
Na Tum Itna Rulayaa Karo
Mujhay Itna Yaad Na Ayaa Karo

Chalo Aaj Baant Len Mill K
Sabhi Ansoo Sabhi Gam Apnay
Jo Udhuray Reh Gaiye Thay
Woh Khuab Sabhi Sapnay
Chalo Tajdid-Ay-Wafa Karo
Phir Say Wadaa-Ay- Nibha Karo
Koi Dawaa Karo Ya Dua Kro
Kabhi Tum Bhi Tu Yeh Sadaa Karo
Mujhay Itna Yaad Na Ayaa Karo

Meray Humsafar Meray Charagar
Yeh Talakh Bohat Hy Rah Guzar
Tum Door Ho Q Majboor Ho
Chalo Sab Humay Manzoor Hy
Magar Ik Faryaad Zaroor Hy
Tanha Tum Jab Paaya Karo
Mujhay Itna Yaad Na Ayaa Karo

Mujhay Darr Sa Lagta Thaa
Bikharnay Say Ujarrnay Say
Yaado'n K Aanay Say
Tumhay Khonay Say
Tumhay Kho K Ronay Say
Tum Aziz Ho Dill K
Bohat Kareeb Ho Dill K
Magar "Gull-Ay-Nizar" Kuch Pal Meray Bhi Rehnay Do
Mujhay Khud Mein Khonay Do
Woh Jo Bikhar Chuki Hy Zaat Meri
Mujhay Kirchi Kirchi Uthaanay Do
Meray Pars Aa Kar
Meri Har Aass Paa Kar
Mujhay Itna Na Azmaya Karo
Mujhay Itna Yaad Na Ayaa Karo

Q Khamoshi Ka Raaj Ho
Q Judaai Hi Kharaaj Ho
Jab Ansoo Tumharay Beh Nikalen
Jab Ansoo Meray Beh Nikalen
Jo Dill-Ay-Amber Liye Baithay Ho
Jis Dard Mein Sisaktay Rehtay Ho
Kabhi Suno Aur Sunayaa Karo
Mujhay Dill Ki Baat Bataya Karo
Mujhay Itna Yaad Na Ayaa Karo
Koi Dawaa Karo Ya Dua Karo
Mujhay Itna Yaad Na Aya Karo