Mujhko Shikast-E-Dil Ka Mazaa Yaad Aa Gaya

Mujhko Shikast-E-Dil Ka Mazaa Yaad Aa Gaya
Tum Kyun Udaas Ho Gaye Kya Yaad Aa Gaya

Kehne Ko Zindagi Thi Bohat Mukhtasir Magar
Kuch Yoon Hui Basar K Khudaa Yaad Aa Gaya

Barsey Baghair Hi Jo Ghataa Ghir Ke Khul Gayi
Ek Bewafa Ka Ahad-E-Wafaa Yaad Aa Gaya

Maangengey Ab Duaa Ke Ussey Bhool Jayein Hum
Lekin Jo Woh Ba-Waqt-E-Dua Yaad Aa Gaya

Hairat Hai Tumko Dekh Ke Masjid Mein Aye 'Nouman'
Kya Baat Ho Gayi Jo Khuda Yaad Aa Gaya