Mujjhay Wassl Ki Jhooti Aas Nahi

Inn Bikhray,Bikhray Baalon Ki,
Roo_Daad Likhu'n To Mar Jaau'n

Iss Zaalim Waqt Mein Chaahat Ki,
Faryaad Likhu'n To Mar Jaau'n

Uss Waqt Bhi Teri Ulfat Mein,
Mab'hoot Sa Phirta Rehta Tha,

Main Aaj Bhi Khud Ko Chaahat Say,
Aazaad Likhu'n To Mar Jaau'n

Ikk Waqt Hai Aaya Qehhar Liay,
Main Khud Ko Aag K Darya Mein,

Barbaad Likhu'n To Bach Jaau'n,
Aabaad Likhu'n To Mar Jaau'n

Unn_Gint Wafaa'en Di Main Ne,
Unn_Gint Jafaa'en Di Tum Ne,

Main Baith K Apnay Zakhmon Ki,
Ta_Daad Likhu'n To Mar Jaau'n

Main Hijjr Ki Duniya Mein Khush Hoon,
Mujhay Wassl Ki Jhooti Aas Nahee'n,

Main Khud Ko Dard Ki Duniya Mein,
Na_Shaad Likhu'n To Mar Jaau'n