Na Jane Kin Adaon Se Lubha Liya Gaya Mujhe.

Na Jane Kin Adaon Se Lubha Liya Gaya Mujhe
Qateel Mere Samney Chura Liya Gaya Mujhe

Kabhi Jo Un Ke Jashan Mein Siyahian Bikhar Gain
To Roshni Ke Wastey Jala Liya Gaya Mujhe

Barah_E_Raast Rabta Na Mujh Se Tha Qabool Unhein
Likha Ke Khat Raqeeb Se Bula Liya Gaya Mujhe

Jab Un Ke Deed Ke Liye Qataar Mein Kharra Tha Main
Qataar Se Na Jane Kiun Hatta Liya Gaya Mujhe

Main Rondne Ki Cheez Tha Kisi Ke Paon Se Magar
Kabhi Kabhi To Zulf Mein Saja Liya Gaya Mujhe

Sawal Tha Ke Wafa Hai Kiya, Jawab Tha Ke Zindagi
Qateel Piyar Se Galey Se Laga Liya Gaya Mujhe