Nahi Darta Gain Kaanton Se

Nahi Darta Main Kaanton Se Magar Phoolon Se Darta Hoon
Chubhan De Jain Jo Dil Ko Main Un Baaton Se Darta Hoon

Mujhy To Neend Bhi Achhi Nahi Lagti Haqeeqat Mein
Dikhayein Khawab Jo Jhooty Main Un Neendon Se Darta Hoon

Anaa Ka Main Nahi Qail Mohabbat Hai Mujhy Sab Se
Jo Dil Mein Bughz Rakhty Hon Main Un Apnon Se Darta Hoon

Mujhy Ehsaas Hai Sab Ka Main Sab Ke Kaam Aata Hoon
Magar Jo Keena Rakhty Hon, Main Un Rishton Se Darta Hoon

Main Banda Hoon Khuda Ka Aur Khuda Ka Khof Hai Mujh Ko
Jo Darty Hi Nahi Rub Se Main Un Bandon Se Darta Hoon