Parinda Shakh Se Koi Gira Hai

Samay Hai Ya Samay Ki Inteha Hai
Gham E Qatra Ka Qulzam Ban Gya Hai

Hadood E Waqt Se Niklay Tu Jaana
Zindgani Bi Jaisay Marhala Hai

Faraat E Zulm Main Halchal Machi Hai
Rawaan Shabbeer Sooay Karbla Hai

Issi Parday Main Pinhaan Thi Haqeeqat
Khirad Pe Jo Abhi Liptaa Huwa Hai

Meray Husn E Takhayyul Per Na Jana
Ye Lawa Hai Jo Gham Se Phat Raha Hai

Chaman Main Har Taraf Dahshat Hai Taari
Farogh E Husn Pe Pehra Laga Hai

Kahin Suqraat Ko Summ Mil Rahi Hai
Kahin Mansoor Sooli Charh Raha Hai

Ameer E Shehr Se Keh Do Faqeero
Jo Tera Hai,Hamara Bhi Khuda Hai

Nigah E Naaz Uthaay Wo Kaisay
Nazzara Tha Jo Kab Ka Kho Chuka Hai

Maseeha Say Kaho Ab Na Hi Aay
Jo Hona Tha Tamasha Ho Gya Hai

Jisay Hum Zindgi Kehtay Hain Janaan
Haeeqat Se Gumaan Ka Fasila Hai

Zameen Pe Zalzala Berpa Hai Shyd
Parinda Shakh Se Koi Gira Hai

Farshton Ne Jisay Sajda Kiya Tha
Wo Insaan Koriyon Main Bik Raha Hai