Piyari Beti

Agar Chahti Ho Jahan Mein Faraqat
Karo Apne RAB Ki Hamesha Ibadat

Zaroori Hai Har Roz Dil Se Tilawat
Shuaar Apna Rakho NABI Ki Itaa'at

Meri Achi Beti Meri Piyari Beti
Baroon Ki Mohabbat Se Khidmat Karo Tum

Sada Bhai Behnon Se Ulfat Karo Tum
Larai Ki Baaton Se Nafrat Karo Tum

Museebat Ke Maaron Pe Shafqat Karo Tum
Meri Achi Beti Meri Piyari Beti

Karo Tum Saleeqay Se Sub Kaam Ghar Ka
Raho Chalti Phirti Moaddab Hamesha

Dil_O_Jaan Se Seekho Haya Ka Qareena
Banao Sada Apna Ikhlaaq Acha

Meri Achi Beti Meri Piyari Beti
Kabhi Jhoot Bolo Na Ghussa Karo Tum

Har Ek Baat Mein Apni Sachi Raho Tum
Jahan Mein Namoonon Ki Larki Bano Tum

Baron Ki Dua Le Ke Phoolo Phalo Tum
Meri Achi Beti Meri Piyari Beti Tum