Qoom ka Nooha

Me Her Dum Noha Pherta Raha
Nojawanoo Ko Samjata Raha

Ilm Ki Shama Mei Jalata Raha
Magar Muj Se Door Bhagta Raha

Kutub Khana B Khoob Chalta Raha
Ilm Dushmanoo K Hathoo Ye Jata Raha

Kutub Khana Ki Jaga Murda Khana Banaker
Apni Nasloo Ko Zinda Dafan Ye Kerta Raha

Qoom Ki Is Sooch Ney Aaj Ye Din Dikhadee
Qom K Nonihaal Galyuoo Mei Bhatakta Raha

Us Waqt Qoom Tamasha Dekhta Raha
Gia Waqt To Yooo Hath Malta Raha

Mei Nashey Mei Quin Doobta Gia
Mei Haqeeqat Se Faraar Hota Raha

Mei Sigrette Se Heroin Peeney Laga
Din Ba Din Nashey Me Terqi Kerta Raha

Mei Naddee Kinarey Betha Raha
Raat Bher Soota Lagata Raha

Mei Raat Bher Ghar Se Gaib Raha
Mera Baap Mujko Doondta Raha

Meri Maa Feryaad Kerti Rahi
Magar Mera Dil Puththur Hota Raha

Meri Behnei'n Merey Hal Per Sisaktee Rahee
Magar Mera Dil Roz Baroz Sakht Hota Raha

Burey Lerkoo Ko Dost Banata Raha
Apney Ghar Per Dakatee Lagata Raha

Burey Suhbat Ki Lut Ne Muje Ye Din Dikha Dee
Me Apney Piaroo Sey Door Hota Raha

Meri Gerat Maloom Nahi Kahaa'n Mer Gayee
Mei Badbakhtoo Ki Saf Mei Aata Raha

Apni Behnoo K Pesey Churata Raha
Un K Aankhoo Ka Lahoo Me Peeta Raha

Gareeb Baap Ka Dil Dukhata Raha
Subho Sham Usko Rulata Raha

Jo Mehnat Se Pesey Kamata Raha
Usey Mei Apna Dushman Samajhta Raha

Jis K Dum Se Ghar Chalta Raha
Us Charagh-E-Saher Ko Bhujata Raha

Me Nadaa'n Tha Bohot Nasamaj Tha
Her Waqt Is Hastee Ko Koosta Raha

Jo Chahta Tha Mei Kutch Pherh Jawoo
Us Firishtey Ko Mei Ullu Banata Raha

Uski Batoo Ko Mei Ignore Kerta Raha
Pharayee Choor Ker Sarak Chapta Raha

School K Bajaye Idhar Udhar Chupta Raha
Class Mei Her Saal Fail Hota Raha

Qeematee Waqt U Hi Zaye Kerta Raha
Jawani Bekaar Kamoo Mei Khota Raha

Apni Mama Papa Ko Satata Raha
Apni Behnoo Ko Aansu Rulata Raha

Nashey Ki Lut Muj Ko Perta Raha
Waqt,Pesa Or Jawani Rulta Raha

Allah, Rasool Se Door Hota Raha
Quran Ki Tilawat Se B Ghafil Raha

Namazoo Se Bee Door Bhagta Raha
Subho Shaam Roza Bee Khata Raha

Azaab Ilahee Muj Pe Aata Raha
Apnoo Ki Nazroo Se B Girta Raha

Mei Insanoo Se Khud Ko Chupata Raha
Roz Baroz Zillat Muj Ko Milta Raha

Jesey Jesey Dunya Se Nafrat Bherta Raha
Din Ba Din Mera Nasha Bee Bherta Raha

Baar-E-Ilahee Tu Muj Per Karam Ker
Mei Uoo Hi Apnoo Se Lerta Jagrta Raha

Tu Raheem-O-Kareem Or Maghfoor Hey
Tu Gunahgaroo Ko Hamesha Bakhshta Raha

Mei Bee Tera Ek Siahkaar Hoo'n
Tu Gumrahoo Ko Raah Dikhata Raha

Hidayet De Perwerdigaar Muj Ko B
Mei Hidayat Sey Door Hota Raha

Dil Ki Aawaz Hey Logoo Zara Goor Se Sun
Merey Dil Se Aah Or Feryaad Nikalta Raha

Bachawo Apni Nasloo Ko Ye Kidher Ja Rahe Hein
Mei Akeley Hi Naqqar Khaney Mei Bolta Raha

Jamhooree Tamasha Ajab Hey Zamana
Ewanoo Mei Hewanoo Ka Raaj Chalta Raha

Masjidein Din Badin Bhertee Rahee'n
Hidayat Se Log Door Hota Raha

Masjid K Ander Sannata Bohot Hey
Baher Speaker Ka Shoor Hota Raha

Beemaroo Ka B Khayal Rakhta Nahi
Be-Hisee Pey Beemar Rota Raha

Sukoon Tha Zamaney Mei Jub Ye Bhompoo Na Tha
Ye Jub Aaya To Molvee Sahab B Garajta Raha

Jo Kal Tuk Isey Kufur Ka Aala Kehta Raha
Aaj Galey Me Daal Ker Basoo Mei Mangta Raha

Waqt K Sath Muftiyoo Ka Fatwa Badalta Raha
Jo Qul Per Palta Raha Aaj Dollar Mangta Raha

Ye Dunya He Yahaa'n Pul Pul Badalta Hey Insan
Jo Badalta Nahi Wo Puthur Ka Puththur Raha

Yahaa'n Koi Kisi Ka Dost Nahi Purki
Nafsa Nafsee Ne Ye Din Dikhata Raha

Jo Din Raat Husain Husain Kerta Raha
Wo Ilm Ker Nashey Mei Merta Raha

Qoom K Jo Kerta Dherta Hein Yahaa'n
Apney Dhandhoo Mei Inko Lagata Raha

Khud To Andhey Hein Ye Leader Loog
Qoom Ko B Andheroo Mei Fansaa Raha

Jo Qoom Andheroo Ka Aadee Ho Purki
Us Ko Andheroo Se Maza Aata Raha

Kon Jaga Sakta Hey Is Churser Qoom Ko
Hadee-E- Berhaq Ka Din Raat Intizar Kerta Raha

Khana Peena,Sona Jagna Jis Qoom Ka Maqsood Ho
Ilmo Hikmat K Charagoo Ko Apney Pawoo Taley Roondta Raha

Jis Qom Ka Leader Firoon-O- Namrood Jesey Hoo
Us Qoom Ka Roona U Hi Umr Bher Bekaar Jata Raha