Raah_E_Wafa Mein Aziyat Shanasayian Na Gayin

Raah_E_Wafa Mein Aziyat Shanasayin Na Gayin
Kisi Bhi Rut Mein Hamari Udasiyan Na Gayin

Tani Hai Abr Ki Chadar Bhi Aasman Pe Magar
Shuaa_E_Mahar Teri Be Libasiyan Na Gayin

Tere Qareeb Bhi Reh Kar Tujhe Talash Karon
Mohabbaton Mein Meri Bad Hawasiyan Na Gayin

KHUDA Khabar Kahan Koonjon Ke Qafle Utre
Samandaron Ki Taraf Bhi To Piyasian Na Gayin

Khizan Mein Bhi To Mehakti Ghazal Pehan Ke Mila
Mizaj_E_Yaar Teri Khush Libasiyan Na Gayin

Basant Rut Mein Bhi Mandar Udaas Thay MOHSIN
Ke Daivtaon Se Milne Dasiyan Na Gayin