Saal Beetay Dil Say Meray Ja Na Paye Tum

Saal Beetay Dil Say Meray Ja Na Paye Tum
Sham Ki Tanhai Mein Phir Yad Aaye Tum

Har Subah Paya Tumhein Khayalon Mein Apne Pas
Raton Ko Khwabon Mein Mere Muskaraye Tum

Lagtay Ho Meray Apne Jab Tum Ja Base Ho Dor
Na Jane Kyon Lagatay Thay Pahle Kuch Paraye Tum

Pyar Ham Say Bay Hisab Tha Tumhein Phir Bhi
Jane Kyon Ham Say Rahay Nazarein Churaye Tum

Jab Talak Tum Sath Thay Shikway Bhi Sath Thay
Kuch Nahin Ho Ab Mohabbat K Siwai Tum

Thak Gaya Hun Zindagi Ki Rah Mein Amir
Kash Mil Jate Kahin Nazrein Bichhaye Tum