Sab Amal Gunaah Ho Jatey Hain

Jab Log Juda Ho Jatey Hain
Sab Ehad Hawa Ho Jatey Hain

Jab Niyat Theek Na Ho Apni
Sab Amal Gunaah Ho Jatey Hain

Jab Tere Baarey Mein Sochein
Sab Lafz Dua Ho Jatey Hain

Jab Ghurbat Dar Pe Dastak Dy
Sab Yaar Khafa Ho Jatey Hain

Jab Waqt Dikhata Hai Ankhein
Sultan Bhi Gada Ho Jatey Hain

Tu Jab Bhi Mere Sath Na Ho
Tehwar Saza Ho Jatey Hain

Jab Nafrat Lafzon Mein Utrey
Tab Apne Juda Ho Jatey Hain