Sabhi Sey In Dinon

Sabhi Sey In Dinon Rootha Hua Sa Lagta Hon
Main Apney Aap Ko Be-Wafa Sa Lagta Hon

Tamam Raat Mein Girtii Hoii Hawailii Mein
Dilon Sey Niklii Hoii Bad-Dua Sa Lagta Hon

Main Wo Khazana Hon Haqdaar Jis Ki Duniya Hai
Hazar Hisson Mein Baanta Hua Sa Lagta Hon

Meri Talash Bdastoor Ab Bhi Jarii Hai
Wo Mil Gya Hai, Main Khoya Hua Sa Lagta Hon

Meri Hansii Sey Udaasi Key Phool Khiltey Hain
Main Sab Key Sath Hon Lekin Juda Sa Lagta Hon

Chamak Raha Tha Wo Chehra Kisi Ki Aankhon Mein
Main Aaiyenay Mein Koii Doosra Sa Lagta Hon

Tamam Raat Brastii Hai Rait Par Shabnam
Main Apney Chaand Sey Jab B Khafa Sa Lagta Hon