Sakoot-E-Zaat Mein Sada Di Uadaasi Nay!!!

Sakoot-E-Zaat Mein Sada Di Udaasi Nay
Meri Tu Har Baat Mitta Di Udaasi Nay

Mill K Mujh Say Khud Bhi Ho Gai Udaas
Aaj Dekh Kar Mujh Ko Dua Di Udaasi Nay

Gham-Yaara'n Main Kia Tujhay Yaad Karon
Mujhay Tu Har Baat Bhoola Di Udaasi Nay

Taloo-E-Shaam Bhi Kuch Kam Naa Thi Magar
Udaasi Kuch Aur Bharrha Di Udaasi Nay

Uss Say Bhala Itni Mulakaat Kaha'n Thi
Shanasaai Youn Hi Bana Di Udaasi Nay

Ahel-E-Dill Tum Say Kia Pocho'n Wafaa K Takazay
Tum Say Khoob Nibha Di Udaasi Nay

Charag-E-Dill Ko Kia Ab Sambhal K Rakho'n
Low Tu Har Ik Bhujha Di Udaasi Nay

Hum Tu Zabat Kiaye Bethay Thay Amber
Halat Magar Sab Bata Di Udaasi Nay