Saleeqa Deed Ka Kab Tha Tere Deedar Se Pehly.

Saleeqa Deed Ka Kab Tha Tere Deedar Se Pehly
Zameen Abaad Hi Kab Thi Dayaar_E_Yaar Se Pehly

Gulon Ne Muskurana Aur Hawa Ne Bolna Seekha
Kise Idraak Hasil Tha Teri Guftaar Se Pehly

Chaman Mein Is Baras Yaaro Qayamat Kiya Ajab Dekhi
Fiza Kanton Ne Mehkai Gul_O_Gulzar Se Pehly

Ye Meri Bad_Naseebi Hai Ya Meri Khush_Naseebi Hai
Ke Mere Paon Hain Zakhmi Raah_E_Pukhar Se Pehly

Yahan Aa Kar Milaye Khak Mein Maam_O_Nasab Hum Ne
Hamein Bikna Kab Aata Tha Tere Bazaar Se Pehly