Sawan Ki Pehli Baarish

Barsaat Ki Jhari Hai
Khushiyon Ki Phuljhari Hai
Jugnu Chamak Rhay Hain
Saansain Mehak Rhi Hain
Alam Hai Mehv E Raqsann
Uss Sheeshay Ke Mehal Main
Sawan Ki Pehli Baarish Ka Jashn Ho Rha Hai

Bijli Chamak Rahi Hai
Badal Garaj Raha Hai
Uss Sheeshay K Mehal Main
Hungama Sa Bapa Hai
Sawan Ki Pehli Baarish Ka Jashn Ho Rha Hay
Uss Sheeshay Ke Mehal Main

Aur Saath Walay Ghar Main
Nanha Sa Aik Bacha
Maan Ko Dikha Raha Hai
Soraakh Apni Chhat Ke
Sawan Ki Pehli Baarish Ka Jashn Ho Rha Hay
Uss Sheeshay Ke Mehal Main
Aur Saath Walay Ghar Main