Shikway Na Kar Saka Shikayat Na

Shikway Na Kar Saka Shikayat Na Ho Saki
Kuch Isliye Bhi Unse Mohabat Na Ho Saki

Unko Gumaan Tha K Main Haar Jaonga
Mujhko Yakeen,Yeh Meri Adat Na Ho Saki

Mano Sabhi Ki Baat Yeh Koshish Rahi Meri
Majboor Tha K Dil Se Baghawat Na Ho Saki

Apni Ana Kuchal K Woh Atay To Khoob Tha
Itni Bhi Na Samjh Se Inayat Na Ho Saki

Royiengay Ek Din Mujhe Kho K Woh Ayaz
Jinko Jafa Pay Apni Nadamat Na Ho Saki