Socha Hota Khawab Dikhane Se Pehle

Socha Hota Khawab Dikhane Se Pehle
Aur Kisi Ko Apna Bnane Se Pehle

Kuch Pal Usko Nend Mein Ghaur Se Dekho To
Dheeray Dheeray Usko Jagane Se Pehle

Soch Lo Is Mein Koi Qeemti Shay Hi Na Ho
Dil K Shahr Ko Aag Lagane Se Pehle

Dekha To Sab Tann Mann Rakh Ka Dhair Hoa
Apne Dono Hath Bachane Se Pehle

Socha Rabb Se Usko Mang K Dekhun To
Sir Sajde Se Aaj Uthane Se Pehle

Ab Pachhtane Se Bhi Kya Hasil Hoga
Socha Hota Aankh Milane Se Pehle

Aao Aakhri Baar Kren Hum Yaad Usy
Sach Much Usko Aaj Bhulane Se Pehle