Suna Tha Jashan Hoga Aur Ghar Ghar Roshni Ho Gi.

Suna Tha Jashan Ho Ga Aur Ghar Ghar Roshni Ho Gi
Nahi Maloom Ye Taqreeb Tak Multavi Ho Gi

Tulo_E_Subh_E_Sadiq Ki Chamak Kuch Aur Hoti Hai
Tumhein Dhoka Hua Ho Ga Kahin Bijli Giri Ho Gi

Mere Jurm_E_Wafa Ka Faisla Kuch Is Tarah Ho Ga
Saza Ka Hukum Fori Aur Sama'at Sarsari Ho Gi

Ye Be Maqsad Safar Ab Khatam Ho Jaye To Acha Hai
Na Tum Se Rahbari Ho Gi Na Hum Se Pairvi Ho Gi

Hamein Darbar_E_Shaahi Tak Na Le Jao To Acha Hai
Hamara Kuch Na Jaye Ga Tumhein Sharmindagi Ho Gi