Taseer Juda Si Hamen Wirsay Main Mili Hai

Hum Dasht K Baasi Hain Aay Shehar K Logon
Yeh Rooh Pyasi Hamen Wirsay Main Mili Hai

Dukh Dard Se Sadiyon Ka Talluq Hai Hamara
Ankhon Ki Udasi Hamen Wirsay Main Mili Hai

Jaan Dena Riwayat Hai Qabeelay Ki Hamari
Yeh Surkh Libasi Hamen Wirsay Main Mili Hai

Jo Baat Bhi Kehte Hain Utar Jati Hai Dil Main
Taseer Juda Si Hamen Wirsay Main Mili Hai

Jo Hath Bhi Thaama Hai Sada Sath Raha Hai
Ehbaab Shanasi Hamen Wirsay Main Mili Hai