Tere Baghair Bhi Teri Tarah Main Zinda Rahoon

Jala K Too Bhi Agar Aasra Na De Mujh Ko
Ye Khauf Hai K Hawa Phir Bujha Na De Mujh Ko

Main Is Khiyal Se Mur Mur K Dekhta Hoon Usay
Bichar K Bhi Wo Kahin Phir Sada Na De Mujh Ko

Isi Khiyal Se Shab Bhar Main So Nahin Sakta
K Khof-E-Khawb-E- Guzashta Jaga Na De Mujh Ko

Tere Baghair Bhi Teri Tarah Main Zinda Rahoon
Ye Hosla Bhi Dua Kar Khuda Na De Mujh Ko

Main Is Liey Bhi Usay Khud Manaun Ga MOHSIN,
K Mujh Se Roothnay Wala Bhula Na De Mujh Ko