To Acha Tha

Meri Yaadon Se Dil Na Lagate To Acha Tha.
Gham-E-Zindagi Se Na Ghabraate To Acha Tha

Wo Din Ehad-E-Wafa K Wo Raatein Shab-E-Firaaq Ki
Tum Apne Haal Pe Na Muskuraate To Acha Tha

Raah-E-Ulfat Mai Luta K Sab Kya Mila Tumko
Meri Chahat Mai Khud Ko Na Mitate To Acha Tha

Meri Khair-E-Bewaafai Se Darr Ke Bhi Kya Hasil Hua
Zamaane Se Tum Muh Na Chupate To Acha Tha

Jab Ki Thi Mohabbat To Phir Ab Gham Kaisa "Shams"
Gham-E-Aalam Mai Khud Ko Na Samjhate To Acha Tha