Tu Ne Izn E Safar Dia Hota

Tu Ne Izn_E_Safar Dia Hota
Qaafla Chand Pr Gaya Hota

Main Agar Shaairi Nahi Krta
Itni Wehshat Thi Mar Gaya Hota

Shaakh Pr Aaeenay Sajay Hotay
Phool Rangoan Pe Mar Mita Hota

Aik Deewar Gir Gai Hoti
Aik Jeewan Sanwar Gaya Hota

Goya Kuch Bhi Nahi Hua Mujh Se
Warna Kuch To Asar Hua Hota

Ik Tawaana Ghazal Kahi Hoti
Aik Dil Tak Saffar Kia Hota

Tu Mohbt Gunah Smajhta Hy
Tujh Pe Tauba Ka Dar Khula Hota