Tumhain Kia Khabar

Tumhain Kia Khabar Kitna Maghmoom Hoon Main
Muqaddar Ne Loota Hai Mazloom Hoon Main
 
Ke Mere Labon Se Hansi Cheen Li Hai
Mujh Se Meri Zindagi Cheen Li Hai
 
Magar Main Shikayat Karoon Ye Na Hoga
Mohabbat Se Moon Mor Loon Ye Na Hoga
 
Zamaane Main Roshan Hai Kirdar Mera
Zamaane Se Darta Nahi Pyaar Mera
 
Ke Meri Mohabbat Main Nafrat Nahi Hai
Mujhe Bewafai Ki Aadat Nahi Hai
 
Bara Shokh Hoon Main Bara Man Chala Hoon
Tumhari Qasam Main Bara Diljala Hoon