Tumhari Aankhein Kehti Hai Hisaar_E_Zaat Se Niklo.

Tumhari Aankhein Kehti Hain Hisaar_E_Zaat Se Niklo
Tamanna Meri Ban Jao Shab_E_Barbaad Se Niklo

Kinara Tham Lo Dil Ka Bhula Do Har Gila Shikwa
Kabhi Sachi Hansi Hans Do Purani Yaad Se Niklo

Khayal_E_Yaar Acha Hai Magar Jis Ne Wafa Na Ki
Palat Kar Phir Sada Na Do, Dare_E_Faryaad Se Niklo

Nahi Koi Mohabbat Bhi, Hijar Rutt Bhi, Raqabat Bhi
To Ye Dharka Sa Kia Kahiye, Weham Ki Ghaat Se Niklo

Sukhanwar Hum Se Kehta Hai Saja Lo Aankh Mein Kuch Khawab
Dharakna Dil Ko Sikha Do, Amawas Raat Se Niklo

Nahi Tum Ko Gawara Ab Hamara Qurb To Keh Do
Hamare Karb Ki Choro, Tum Is Gardaab Se Niklo

Sar_E_Maqtal Jo Jate Ho, Na Ho Darmandgi Kuch Bhi
Zamana Dekh Tham Jaye, Kuch Is Andaaz Se Niklo