Tumhary Naz

Kab Nahi Naz Uthaye Hen Tumhary Main Ny
Dekho Aanchal Peh Sajaye Hen Sitary Main Ny

Wohi Lamhat Asasa Hen Mery Jeevan Ka
Jo Tery Qurb Men Lamhat Guzary Main Ny

Roz Aaty Hen Mujhy Yad Tery Zulm- O-Sitam
Roz Khanjar Kai Seeny Mein Utary Main Ny

Har Bahana Tera Aankhon Mein Saja Kar Rakha
Apny Seeny Sy Lagaye Tery Lary Main Ny

Meri Pooron Se Mehek Ati Rahi Hai Din Bhar
Jab Bi Khawbon Mein Tere Bal Sanwary Main Ny

Teri Chokhatt Peh Kai Bar Hoi Mujh Ko Shikast
Teri Dehleez Peh Aansu Kai Hary Main Ny

Meri Awaz Akeli Hi Palat Kar Aayi
Jab Musibat Mein Kabhi Yar Pukarey Main Ny