Tumhe Maloom Hai
Poet: Shamsul "ShamS" By: Shamsul hasan, New DelhiTumhe Maloom Hai
Jabse Gaye Ho Tum
Hawaaon Mai Ghutan Mehsoos Hoti Hai
Kisi Sehme Se Lamhe Ka Nishaan Tak Bhi Nahi Milta
Rooh Se Youn To Hai Rishta Mera Saari Umar Ka Par
Mujhe Lagta Hai Jaise Jism Mai Khaali Hai RoohDaari
Tumhe Maloom Hai
Jabse Gaye Ho Tum
Main Tanha Muskurana Bhool Betha Hoon
Nighaahein Khusk Rehti Hain Na Aansoo Hi Nikalte Hain
Bohat Jee Chahata Hai Ke Zara Sii Dair Ro Loon Main
Magar Afsoos Ke Mumkin Nahi Hai Ye
Tumhe Maloom Hai
Jabse Gaye Ho Tum
Koi Jaise Mere Bhitar Adhura Sa Sisakta Hai
Roz Har Shaam Paidon Pe Udaasi Dekhta Hoon Main
Parinde Youn To Hote Hain Sabhi Shaakhon Pe Magar Phir Bhi
Akelepan Ki Tehreerein Mujhe Majboor Karti Hain
Ke Main Mar Kyun Nahi Jata
Tumhe Maloom Hai
Jabse Gaye Ho Tum
Sabhi Mujhse Khafa Se Hain Ke Jaise Ajnabi Hoon Main
Na Mere Dost Hain Na Koi Rishta Hai Zamane Se
Alawa Zakhm Seene Ke Mujhe Koi Kaam Nahi Hai Ab
Zara Si Dair Ko Aake Chale Jaate Hain Gham Mere
Tumhe Maloom Hai
Jabse Gaye Ho Tum
Main Jeena Bhool Betha Hoon
Tumhe Maloom Hai
