Usne Door Rehney Ka Mashvara Bhi

Usne Door Rehney Ka Mashvara Bhi Likha Hai
Saath Hi Mohabbat Ka Wasta Bhi Likha Hai

Usne Yeh Bhi Likha Hai Mere Ghar Nahi Aana
Saaf Saaf Lafzon Meh Rasta Bhi Likha Hai

Kuch Harf Likhay Hai Zabt Ki Nasihat Meh
Kuch Harf Meh Usne Hosla Bhi Likha Hai

Shukriya Bhi Likha Hai Dil Se Yaad Karne Ka
Dilse Dil Ka Kitna Fasla Bhi Likha Hai

Kya Ushe Likhein "Mohsin" Kya Usehkahain "Mohsin"
Jis Neh Kar Ke Bay-Jaan Phir Jaan -E - Jaan Likha Hai