Ussay Kehna

Bharosa Ab Khuda Ki Zaat Par Rakhna, Ussay Kehna
Aziyat Ka Yeh Pal Bhi Beet Jaye Ga, Ussay Kehna

Mere Qaasid, Tu Jaa Kar Bas Tasalli Us Ko Yeh Dena
Hamesha Waqt Ik Jaisa Nahi Rehta, Ussay Kehna

Tamanayo Ki Daldal Mai, Kahi Phans Kar Na Reh Jana
Ke Chaadar Daikh Kar Paayu Ko Phailaana, Ussay Kehna

Ussay Kehna, Tu Sooraj Ki Tamaazat Se Naa Ghabrana
Kisi Din Mil Hi Jaye Ga Kahi Saaya, Ussay Kehna

Bharosa Jin Pe Hota Hai, Woh Aankhain Phair Letay Hai "Hasnain"
Nahi Koi Buray Haalaat Mai Apna, Ussay Kehnaa