Uthaa Kar Kassaa Liaye Phirtay Hain!!

Uthaa Kar Kassaa Liaye Phirtay Hain
Hum Wafao'n Ki Sadaa Liaye Phirtay Hain

Chaak Daaman Rooh K Cheedo'n Ko
Dard Talab-Ay-Dawaa Liaye Phirtay Hain

Hum Apni Zaat Mein Koi Sayraab Hun Jaisay
Khud Mein Ik Sehraa Liaye Phirtay Hain

Andhayro'n Mein Charago'n Ki Tarha Jalnay Walay
Khud Zulmat Ki Qubaa Liaye Phirtay Hain

Janay Kis Duniyaa Mein Basstay Hun Gay
Be-Loss Jo Duaa Liaye Phirtay Hain

Bikk Jatay Hain Ahsaas K Haatho'n Aksir
Muhabat Ki Jo Sadaa Liaye Phirtay Hain

Hum Muhabat Mein Safaid Posh Hain Amber!
Khokhallay Lehjo'n Mein Anaa Liaye Phirtay Hain