Wafa Ke Sheesh Mehal Mein Saja Liya Main Ne.

Wafa Ke Sheesh Mehal Mein Saja Liya Main Ne
Wo Ek Dil Jise Pathar Bana Liya Main Ne

Ye Soch Kar Ke Na Ho Tak Mein Khushi Koi
Ghamon Ki Aout Mein Khud Ko Chupa Liya Main Ne

Kabhi Na Khatam Kia Main Ne Roshni Ka Mohaz
Agar Charagh Bujha Dil Jala Liya Main Ne

Kamal Ye Hai Ke Jo Dushman Pe Chalana Tha
Wo Teer Apne Kalaje Pe Kha Liya Main Ne

QATEEL Jis Ki Adavat Mein Ek Piyar Bhi Tha
Us Aadmi Ko Gale Se Laga Liya Main Ne