Wo Hi Darpesh Hai Phir Se

Wo Hi Darpesh Hai Phir Se Zindagi Khawabon Khayalon Ki
Kahan Hai Ab Tumhar Wo Mohabbat Itne Salon Ki

Agar Mery Muqadar Mein Andhera Hi Andhera Tha
Kahani Kiun Sunai Thi? Mujhe Tum Ne Ujalon Ki

Bara Hai Faraq Dono Mein, Magar Dilchasp Hain Donon
Teri Duniya Jawabon Ki Meri Duniya Sawalon Ki

Tumhein Tab Se Main Likhta Hoon Tumhein Jab Se Main Parhta Hoon
Zarurat Hi Nahi Parti Kitabon Ke Hawalon Ki

Ta'alluq Jorna Aur Torna Tum Se Koi Sekhy
Kahan Se Aa Gayi Tum Ko Mahart Aisi Chaloon Ki?

Shagufta Dil Ko Rakhta Hai Faqat Is Wasty
Zarurat Phir Na Par Jaye Tumhein Meri Misalon Ki