Wo Mohabbat Ka Khuda Hai Mujhe Maloom Na Tha

Wo Mohabbat Ka Khuda Hai Mujhe Maloom Na Tha
Sajda Us Ko Bhi Rawa Hai Mujhe Maloom Na Tha

Wo Bicharnay Laga Mujh Se To Anaa Toot Gai
Rooth Jaana Bhi Ada Hai Mujhe Maloom Na Tha

Subha Hone Pe Bhi Aankhon Se Andhera Na Gaya
Raat Sooraj Se Khafa Hai Mujhe Maloom Na Tha

Rooth Jane Pe Manana Usay Aata Hi Nahi
Ye Bhi Meri Hi Khatta Hai Mujhe Maloom Na Tha

Zindagi Jurm_E_Anaasi Hai Zamanay Mein "WASI"
Saans Lena Bhi Saza Hai Mujhe Maloom Na Tha