Woh Khaloos Tha

Woh Khaloos Tha Ke Khumar Tha
Woh Janoon Tha Ke Saraab Tha

Mujhey Sochney Mein Zamana Laga
Mujhey Manzilon Ne Bhoola Diya

Mujhey Jis Masiha Pe Maan Tha
Mujhey Us Ne Sooli Charha Diya

Kai Humsafar Kai Rahguzr
Mujhey Rastey Mein Miley Magar

Meri Tushnagi Kuch Aur Hai
Meri Justajoo Koi Aur Hai

Woh Jo Roshni Ki Tarha Barhey
Magar Ansuon Mei Sama Sakey

Jo Subha Ki Pehli Kiran Bane
Mere Dil Ka Aangan Nikhaar De

Jo Muhabbaton Ki Ravaytein
Lahoo Ki Bali Se Sanwaar De

Mujhey Us Wafa Ki Talaash Hai
Mujhey Us Wafa Ki Talaash Hai

Magar Is Jahan-E-Kharab Mein
Yahan Khawaishon Ke Saraab Mei

Mujhey Kaun De Aisiy Wafa
Mein Kahan Se Laoon Woh Wafa

Inhi Uljhanon Mein Ghira Huwa Hun
Yehi Sochta Main Chala Geya