Yaad Ka Tara Chamak Rha He

Yaad Ka Tara Chamak Rha He Madham Madham
Hijar Ka Sawan Baras Rha He Qatra Qatra

Kaaley Naag Judai K Dastey Hen Paiham
Zehar Ragon Me Utar Rha He Qatra Qatra

Aik Nazar Me Tm Ko Dekh K Dil De Bethey
Saza Mili Phir Jivan Pura Qatra Qatra

Pyas Labon Pe Behr-E-Talatum Ko Piney Ki
Wasl K Lamhey Kitney Gureza'n Qatra Qatra

Dharti Ki Ye Aas K Sawan Jal Thal Kr De
Badal Lekin Sada Hi Barsa Qatra Qatra

Ankhen Tere Hijar Me Royiin Ik Arsey Tk
Ab Khoon-E-Dil B Beh Nikla Qatra Qatra

Wasl Ki Shab Hm Kehtey Rhey K Khoob Pilao
Magar Wo Boley Sabar Zra Sa Qatra Qatra.

Parwano Ka Jalna To Fitrat He Unki
Shama Jali Is Gham Me Hmesha Qatra Qatra

Maut Aai To Ik Din Yun Hi Mar Jaen Ge
Roz Bhla Kya Khauf Se Marna Qatra Qatra

Kya Hasil He Kuch Jivan Ka Juz Ashkon K
Wo B Dheerey Dheerey Peena Qatra Qatra