Ye Saal Bhi Aakhir

Ab Yaad Dilaye Kon Usay
Ye Saal Bhi Aakhir Beet Giya

Wo Sard Hawayen Ab Bhi Hain
Rangeen Fizayen Ab Bhi Hain

Wo Beegi Beegi Pani Ki
Pur-Shor Sadayen Ab Bhi Hain

Hum Ab Bhi Uder Ko Jatay Hain
Jab Wo Nahi Hote Sath Mere
Hote Hain Khaali Hath Mere

Pur-Shor Sadayen Pochti Hain
Wo Sard Hawayen Pochti Hain

Wo Kahan Giya Hai Dost Tera
Wo Kahan Giya Hai Meet Tera

Kiya Phir Zamana Jeet Giya
Ab Yaad Dilaye Kon Usay